വേനലിന്റെ കനലാട്ടം
ചെമ്മണ്‍പാതയിൽ
ഗുരുതിയും വേപ്പിലയും
കിഴക്കൻ കാറ്റു ചില്ലകളിൽ
ഇലകൾ പറത്തി കുഴലൂതി
വട്ടത്തിൽ പാറി അടക്കാകിളി
പൂ ചൂടി പൊട്ടുതൊട്ട് വിരഹം താങ്ങി
ജനലഴികളിൽ മുഖവും ചേർത്ത് ......
നീല നിലാവിൽ നീല മിഴികൾ
രഥമുരുളുന്നു അരിക്കോലമിട്ട
അഗ്രഹാര തെരുവിൽ
നിലച്ച ഗായത്രി മന്ത്രം
പേരാലിൻ ചില്ലകളിൽ
ഒളിച്ചുകളിച്ചു വെണ്ണിലാവ്
കാണാമറയത്ത് കൃഷ്ണപരുന്ത്
ഉഷ്ണരാത്രി പാതി തീരവേ
ഇളകാത്ത ഇലകളും പൂക്കളും
കണ്ണടച്ചൊരു നിശാപക്ഷി
തൊടിയിലെ നിഴലിൽ
ഇളകുന്ന അളകങ്ങൾ
കണ്ണിൽ പൂനിലാവ്‌
പൂവിട്ട ഇല്ലിമുളകൾ
പാറി പനം തത്തകൾ
ഭഗവതിക്ക് മഞ്ഞൾ
ഉദിക്കുന്ന പെരുമീൻ
കടലിലെ തോണി
സ്വപ്നവും കണ്ടു തീരവും തേടി
മഞ്ഞിൻ കണങ്ങളിൽ
കുങ്കുമസൂര്യൻ ഉരുകി
ഒരിറ്റുകണ്ണീരായി പൂമൊട്ടിൽ
പുസ്തകത്താളിൽ
കരിഞ്ഞ ചെമ്പകം
ഓർമയിൽ സുഗന്ധം
വേനൽ പാടവരമ്പിൽ
വന്ധ്യ മേഘങ്ങളെ നോക്കി
കുറ്റിമരത്തിലൊരു വേനൽപക്ഷി
ഇടവഴിയിലെ ഇല്ലിവേലിയിൽ
പറന്നു തളർന്ന മാലാഖ
വിരിഞ്ഞ നാലുമണി പൂക്കൾ
പടിപ്പുര മുകളിൽ
കുറുകുന്ന പ്രാവിണകൾ
വിയർപ്പു കലർന്ന ഉച്ചകാറ്റ്
നുരയുന്ന കടൽത്തിര
നനയുന്ന പാദസരം
ഉരുകിയൊലിച്ച പ്രണയം
ചൂള മരകൊമ്പിൽ
കുഴലൂതി ചുരകാറ്റ്
താളമിട്ടു തുലാമഴ
കുന്നിറങ്ങി
മഞ്ഞിൻ പുതപ്പുമായി
വൃശ്ച്ചിക കാറ്റ്
ചെന്തെങ്ങിൻ തുമ്പത്ത്
ചെമ്പോത്തുപാടി
മറുപാട്ടു പാടി വരണ്ട പാടം
നക്ഷത്ര താലപ്പൊലി
മഞ്ഞവിളക്കുമായി
മിന്നാമിനുങ്ങ്‌
കല്പടവുകളിൽ
കൊഴിഞ്ഞ ഇലകൾ
പാദസരം കിലുങ്ങിയോ
ആറ്റുവഞ്ചി അമരുന്നു
അരുവിയിൽ
ഉടഞ്ഞ മണ്‍കുടം
കൊടിമരത്തുമ്പിൽ
അമ്പലപ്രാവുകൾ
നന്തുണി നാദം
കൽവിളക്കിലെ കരി
കണ്‍കളിൽ മഷിയെഴുതി
നിലാവിൽ നിഴൽത്തേടി
മരമണി മുഴക്കം
ഇലകളിളകാത്ത
മലയടിവാരം
നിലാവു വീണ ആറ്റു ദർഭ
മണലിൽ ഒറ്റതോണി
എരിഞ്ഞമർന്ന ചിത
കുംങ്കുമം ചാലിച്ച സായംസന്ധ്യ
പൂമുഖപ്പടിയിൽ കണ്ണാടിനോക്കി
സിന്ധൂരരേഖയിൽ പൊട്ടും തൊട്ട്
മുഴങ്ങുന്ന അമ്പലമണി
ദിശ മാറി വർണം മറന്ന
വവ്വാൽകൂട്ടം കാവും തേടി
ചുരം കടന്ന ഇരുണ്ട മേഘം
ആടുന്ന കരിമ്പനയോല
ചലിക്കുന്ന രഥം
നിലാവെട്ടത്തു മേടവയൽ
തീവെട്ടിയും ആനചൂരും
കൈതമറവിൽ സീൽക്കാരം
മരണത്തിന്റെ ഇരുണ്ട ഗുഹ
ഇടനാഴിയിൽ നീല വെട്ടം
ത്രയംബകം യജാമഹെ
നിലാപാടത്തു തെളിനീർ
വൃത്തങ്ങളിൽ മാരുതൻ
ധ്യാനത്തിൽ പരൽമീൻ
അരയാൽ തടിയിൽ
കാണാത്ത പല്ലി
ഭാഗ്യം തേടി
തൊടിയിലെ പാല
മൂളുന്ന കാലൻ കോഴി
അടയുന്ന ജാലകം
ആടിതീർന്ന നാഗഭൂതക്കളം
ചിതറിയ കുരുത്തോല
സർപ്പമിഴഞ്ഞ കന്യക
പാതിരാ തണുപ്പ്
തുറന്നിട്ട ജാലകം
കണ്ണുചിമ്മി നക്ഷത്രം
തെക്കെ തൊടിയിൽ
കാട്ടുകിളി കൂട്ടം
കൊഴിഞ്ഞുവീണ പുളിയില
മുഴങ്ങുന്ന അമ്പലമണി
കാറ്റിലാടി ചൂളമരം
വില്ലുകുലച്ചു കിളികൂട്ടം
നെല്ലോലതുമ്പിൽ
ഉമ്മവെക്കും തുമ്പികൾ
വരമ്പത്ത് അരിവാൾ
കര കവിഞ്ഞ പുഴ
ഒഴുകുന്ന പവിത്രം
ഓർമകളിൽ എള്ളും പൂവും
ആടിതീർന്ന നാഗഭൂതക്കളം
ചിതറിയ കുരുത്തോല
സർപ്പമിഴഞ്ഞ കന്യക
തൊടിയിലെ പാല
മൂളുന്ന കാലൻകോഴി
അടയുന്ന ജാലകം
മലമുടികളിൽ
ആലിംഗനം
ഉരുകിയ വരുണൻ
ജാലക കണ്ണാടി
കൊത്തിപ്പറിക്കുന്ന കുരുവി
മരകൊമ്പിലിലിണ
ഇരുണ്ട കോണിചോട്ടിൽ
ആളൊഴിഞ്ഞ ചാരുകസേര
കോടിമുണ്ടിൻ കൈതമണം
വിണ്ടു കീറിയ കടലപ്പാടം
കാറ്റു പിടിച്ച ഇരുണ്ട മേഘങ്ങൾ
ചിറകൊതുക്കി മയിൽകൂട്ടം
വടക്കേ വാതിലിൽ പാലരളി
തുരുമ്പിച്ച ആണികൾ
ചിതറിയ വെള്ളപൂക്കൾ
മഞ്ഞു പൊതിഞ്ഞ ചന്ത
മങ്ങിയ ചിമ്മിനി വെട്ടം
അങ്കം കഴിഞ്ഞ കോഴി
മലമുടികളിൽ
ആലിംഗനം
ഉരുകിയ വരുണൻ
ഇലപ്പഴുതിൽ സപ്തവർണം
ചിറകൊണക്കി
അമ്പലപ്രാവുകൾ
പാതിരാവിൽ പൊട്ടിയ
വീണകമ്പിയിൽ അപസ്വരം
മൂഷികന്റെ കരച്ചിൽ
രുദ്രഗ്രന്ധിയിലെ സിന്ദൂരം
രാമഴയിൽ ഗംഗയായി
സംഗമം
കൊറ്റികൾ കാഷ്ട്ടിച്ച പാലമാരചോട്ടിൽ
തൊട്ടിലിൽ ഉറങ്ങുന്ന കുഞ്ഞ്
അരികിൽ ചൊറിയൻ പട്ടി
മലയിറങ്ങും മേഘങ്ങൾ
പുസ്തകത്താളിൽ ആകാശം
കാണാതെ മയിൽപ്പീലി
കന്നിമൂലയിലെ പ്ലാവിൽ
ഊഞ്ഞാലിൻ പാട്
അസ്ഥിത്തറയിൽ കരിന്തിരി
മഞ്ഞുവീണ ജാലകം
നിഴലുകൾ
കാറ്റുനിലച്ച പാതിര
ആകാശത്തെ വിമാനം
പുൽമേട്ടിലെ പച്ചപ്പുഴു
പോടാ പുല്ലേ .......
ചലിക്കും മഞ്ഞ വെളിച്ചം
നനഞ്ഞ വരമ്പത്തു
പകച്ച പച്ചത്തവള
തണുത്ത രാത്രിയിലോടുന്ന ബസ്സിൽ
പൊട്ടിയ ജനൽകമ്പി
കേഴുന്നു ജന്മ പാപം പേറി
കോരിച്ചൊരിയുന്ന കർക്കിടരാവിൽ
മുനിഞ്ഞു കത്തുന്ന ചിത
കത്താത്ത നെഞ്ചിൻകൂട്
നിലക്കാത്ത മഴ
തെക്കേ തൊടിയിൽ
മാവുകത്തുന്നു
ഇടവഴിയിൽ ചങ്ങലകിലുക്കം
മലമുകളിൽ കേളികൊട്ട്
പൂ ചൂടി പൊട്ടുതൊട്ട് ...
കണ്ണടച്ചുകിടക്കട്ടെ ഞാൻ
പ്രിയസഖി നിൻ മടിയിൽ
പിതൃയാനം
പാടത്തെ കാവൽമാടത്തിൽ
ചുരുട്ടിയപായ
വാടിയ മുല്ലപൂക്കൾ
മുറ്റത്തെ പൂക്കളത്തിൽ
കരിവണ്ടിൻ കണ്ണീർ
അസുരജയം
കറുത്ത ചില്ലിൽ
മരിക്കുന്ന സൂര്യൻ
ചീറുന്ന സർപ്പം
അമ്പല കുളത്തിൽ
അരി തിന്ന പരൽ
ധ്യാനത്തിൽ ഗായത്രി
ഉറങ്ങുന്ന കുരുന്നിൻ
ചുണ്ടിൽ മന്ദഹാസം
പൂർവജന്മം
ഒറ്റപ്പനയിൽ
ഉറങ്ങുന്ന യക്ഷി
ജന്മം തേടി
പന്തവെളിച്ചത്തിൽ
പകച്ച പനംതത്ത
ചുണ്ടിൽ സീതാകല്യാണം
കൊഴിഞ്ഞ മാമ്പൂക്കൾ
തേൻതേടും ഉറുമ്പുകൾ
കരയുന്ന അമ്മ
കറുത്ത ചില്ലിൽ
മരിക്കുന്ന സൂര്യൻ
ചീറുന്ന സർപ്പം
അമ്പല കുളത്തിൽ
അരി തിന്ന പരൽ
ധ്യാനത്തിൽ ഗായത്രി
ഉറങ്ങുന്ന കുരുന്നിൻ
ചുണ്ടിൽ മന്ദഹാസം
പൂർവജന്മം
ഒറ്റപ്പനയിൽ
ഉറങ്ങുന്ന യക്ഷി
ജന്മം തേടി
പന്തവെളിച്ചത്തിൽ
പകച്ച പനംതത്ത
ചുണ്ടിൽ സീതാകല്യാണം
ചീന്തിലയും ചെത്തിയും
കറുകയും പുഴയിൽ
കെട്ടഴിഞ്ഞ ജാതകം
കൊഴിഞ്ഞ മാമ്പൂക്കൾ
തേൻതേടും ഉറുമ്പുകൾ
കരയുന്ന അമ്മ
ആകാശം നോക്കുന്ന
കുഞ്ഞു കണ്ണിൽ
അണ്ഡകടാഹം
അമ്പലകുളത്തിലെ
പരൽമീനിനു
കർമദോഷം
പിടയുന്ന ഇര
ചിരിക്കുന്ന ദൈവം
കരിമ്പനക്കാട്ടിൽ
രതിതേടി
ചുരംകടന്നകാറ്റ്
തീവെട്ടിയും ആനചൂരും
കൈതമറവിൽ
സീൽക്കാരം
പറങ്കി കാട്ടിൽ
ഉച്ച വെയിൽ
മണിയറ
മണ്ണിലെ മാവേലി
തിണ്ണയിൽ ഇരിക്കും
അസുര വിജയം
മുറ്റത്തെ മാവിൻ ചോട്ടിൽ
പൊട്ടിയ
കുപ്പിവള
Posts
