കുപ്പിയോ ..പാട്ടയോ

നട്ടുച്ചയില്‍ കുപ്പിയും പാട്ടയും പെറുക്കാന്‍ വന്ന ഒരു തമിള്‍
പെണ്‍കുട്ടി ..അവളെക്കാളും ഉയരമുള്ള വണ്ടി വീടിനു മുമ്പില്‍
നിര്‍ത്തി നല്ല മലയാളത്തില്‍
ചേച്ചി കുപ്പിയോ ..പാട്ടയോ ഉള്ളത് എടുത്തോട്ടെ .....
ആ കോണി ചുവട്ടില്‍ ഉണ്ട് ..എടുത്തോ ..
ശ്രീമതി പറയുന്നത്
കേട്ട് ഞാന്‍ വരാന്തയില്‍ വന്നു
ആ കുട്ടി നല്ലതും ചീത്തയും
പെറുക്കി അവള്‍ക്കു വേണ്ടതുമാത്രം എടുത്തു
നീ ഊണ് കഴിച്ചോ ..ശ്രീമതി
ഇല്ല ചേച്ചി ..കഴിക്കണം
എന്നാല്‍ കഴിച്ചിട്ട് പോ
പാവം കുട്ടി ഉണ്ടോട്ടെ ..ശ്രീമതി സ്വയം പറഞ്ഞു
ഒരു ഇല വെട്ടി ചൂടുള്ള ചോറും കറികളും കൊടുത്തു
ആ കുട്ടി ആഹാരം കഴിച്ചുകഴിയുന്നതുവരെ അവളുടെ അടുത്ത്
ശ്രീമതി 'ഇനി വേണോ ' 'ഇനി വേണോ 'എന്നു ചോദിച്ചു അടുത്തു
നിന്നു..
ഊണ് കഴിഞ്ഞു പോകാന്‍ നേരം അവള്‍ പറഞ്ഞതുകേട്ട്‌
ഞാന്‍ ഒന്നു ഞെട്ടി
ചേച്ചി...ഈ പച്ചകറികള്‍ കൂട്ടി എങ്ങിനെയാണ്‌ നിങ്ങള്‍
ചോറ് ഉണ്ണുന്നത് ..നമുക്ക് ചിക്കെന്‍ ഇല്ലാതെ പറ്റില്ല ........