കിടപ്പറ വാതില്‍ ശബ്ദമില്ലാതെ തുറന്നവള്‍ കോണിപ്പടി ഇറങ്ങി
താഴത്തെ നിലയിലെത്തി.ജനാലകള്‍ മലക്കെ തുറന്നിട്ടു. പാതിരാ കാറ്റിന്റെ
തണുപ്പ് അവളുടെ സിരകളില്‍ ഒഴുകിയിറങ്ങി ...ആകാശത്ത് മഴമേഘങ്ങള്‍
വഴിമാറി മാവിന്റെ നിഴലുകള്‍ മുറ്റത്തു ആടി കളിക്കുന്നു
പാതിരാകിളികളുടെ കരച്ചില്‍ എന്തിനെന്നറിയാതെ അവളുടെ മനസ്സില്‍
ഒരു തേങ്ങലായി.ഒഴുകി വീണ കണ്ണീര്‍ അവളുടെ മാറില്‍ ഉഷ്ണപ്രവാഹമായി .
എന്തിനായിരുന്നു ഇതെല്ലാം? ഒന്നും വേണ്ടിയിരുന്നില്ല .പക്ഷെ ഇങ്ങനെയെല്ലാം
വരുമെന്ന് സ്വപ്നത്തില്‍ പോലും വിചാരിച്ചില്ല . വിരസമായ പകലുകള്‍
ഭര്‍ത്താവ് മോളെയും കൊണ്ടുപോയാല്‍ ഉണ്ടാവുന്ന ഒറ്റപ്പെടല്‍ .......
അതിന്റെ വീര്‍പ്പുമുട്ടലുകള്‍ അവസാനിപ്പിച്ചു എപ്പോളോ അവന്‍ വന്നു
നീണ്ട കോലന്‍ മുടിയുള്ള അവന്റെ ചിരിക്കുന്ന മുഖം തന്റെ ഓര്‍കൂട്ടില്‍ കണ്ടപ്പോഴേ
ഒരു ഇഷ്ടം തോന്നി ..തന്റെ ഏകാന്ത ലോകത്തില്‍ അവന്‍ എന്നും
വരും അരുമയോടെ എഴുതും... ചാറ്റിങ്ങിന്റെ പുതിയലോകം എത്രമാത്രം
ഇഷ്ടപ്പെട്ടു എന്ന് പറയാന്‍ പറ്റില്ല ..സൌഹൃദത്തില്‍ തുടങ്ങി കാമം
മറനീക്കി മുന്നില്‍ വന്നപ്പോള്‍ എതിര്‍ത്തതാണ് ..പക്ഷെ എപ്പോഴോ
അവന്‍ എഴുതുന്ന വരികളില്‍ തന്റെ കാമം അലിഞ്ഞില്ലാതാകുന്നത്‌
അറിഞ്ഞു ..സിരകളിലൂടെ ചുടുരക്തം അടിവയറ്റില്‍ കോളിളക്കം ഉണ്ടാക്കുന്നത്‌.......
അത് ഇതുവരെ അറിയാത്ത ഒരു നിര്‍വൃതിയാകുന്നത് ..... ഒരു അനുഭൂതിയായി
പിന്നീട് സുഖമുള്ള ഒരാലസ്യമായിതീരുന്നത് ...ഓര്‍ത്തപ്പോള്‍ അവളില്‍
രതിസുഖത്തിന്റെ അലകള്‍ വീണ്ടും മനസിന്റെ നീലകയങ്ങളില്‍ നുരയും പതയും
തീര്‍ത്തു
എഴുത്തുകള്‍ വോയിസ്‌ ചാറ്റിങ്ങില്‍ എത്തിയതും പിന്നെ കാമറകള്‍ തുറന്നുവെച്ചു
അതിരുകള്‍ ഇല്ലാതായതും എപ്പോള്‍എന്നുപോലും ഓര്‍മകളില്‍ ഇല്ലാതായി .
അവന്റെ ഫോണ്‍ കാളുകള്‍ ഒരല്‍പം താമസിച്ചാല്‍ ..വിളിക്കാതിരുന്നാല്‍
ആരോടും പറയാതെ അനുഭവിച്ച വിരഹവേദന ......
.ഫോണ്‍ നമ്പര്‍ ചോദിച്ചപ്പോള്‍ കൊടുക്കുവാന്‍ എന്തു സന്തോഷ
മായിരുന്നു ...തന്നെ സ്നേഹം കൊണ്ട് മൂടുന്ന തന്റെ പ്രിയപെട്ടവനില്‍
നിന്നും കിട്ടാത്ത ഒരു ആശ്വാസം അവന്റെ മൃദു സ്വരം എന്നും
തനിക്കു തന്നിരുന്നു .രാത്രിയുടെ ആദ്യയാമത്തില്‍ തന്റെ പ്രിയപെട്ടവന്‍
തരുന്ന സ്നേഹം കണ്ണടച്ച് അവന്റെ സ്നേഹമായി അനുഭവിക്കുമ്പോള്‍
ഒരു കുറ്റബോധവും തോന്നിയില്ല ..അതൊരു ഇരട്ടി നിര്‍വൃതി
എപ്പോളും തരുമായിരുന്നു. ഇരുണ്ട വെളിച്ചത്തിലും അവന്‍ മാത്രമായിരുന്നു
അവന്റെ കരങ്ങള്‍ മാത്രമേ തന്നെ വരിഞ്ഞു മുറുക്കിയിട്ടുള്ളൂ
അവനെ വേണം എന്ന് തോന്നിയ ഒരു നിമിഷത്തില്‍ ഒന്നും ഓര്‍ത്തില്ല
കുറെ ഏറെ രാവുകളില്‍ സങ്കല്‍പ്പത്തില്‍ അനുഭവിച്ച രതിസുഖം
നേരില്‍ അറിഞ്ഞപ്പോള്‍ ഉണ്ടായ സന്തോഷം ..എല്ലാം മറന്നു...
ഈ ലോകം..... തന്റെ പ്രിയപ്പെട്ടവന്‍ ..... തന്റെ ഏക മകള്‍ എല്ലാം.. എല്ലാം
പോകാന്‍ നേരം തന്ന ചുടുചുംബനത്തിന്റെ നിര്‍വൃതി തന്റെ ചുണ്ടുകളില്‍
ഇപ്പോളും ഉണ്ടെന്നു തോന്നുന്നു
വിരസമായ പകലുകള്‍ വീണ്ടും തന്നുകൊണ്ട് നെറ്റില്‍ ആ മുഖം മറഞ്ഞത്
ഒരു തിരിച്ചറിവായി .രാത്രികളില്‍ പ്രിയപെട്ടവന്റെ വിരലുകള്‍
തലോടുമ്പോള്‍ മരവിപ്പിന്റെ തണുപ്പ് അവള്‍ ആദ്യമായി അറിഞ്ഞു ...
നെറ്റിന്റെ ലോകം ഇനി വേണ്ട ..എല്ലാം മറക്കാം ..എല്ലാംമറന്നൊരു
തിരിച്ചു വരവ്....അതിനായി മനസിനെ അവള്‍ പാകപെടുത്തി
വിരസങ്ങള്‍ മാറിനിന്ന ഒരു പകലില്‍ തന്റെ പ്രിയപ്പെട്ടവന്‍ അറിയാതെ
തുറന്നു വെച്ചുപോയ മെയില്‍ ബോക്സ്‌ അവള്‍ തുറന്നു
പകപ്പിനോടുവില്‍ അവള്‍ തിരിച്ചറിഞ്ഞു ..തന്റെ ഭര്‍ത്താവിന്റെ
പ്രിയപെട്ടവള്‍ എഴുതിയ വരികള്‍
അത് താന്‍ എഴുതിയ വരികള്‍ തന്നെ അല്ലെ ........
Friday, January 7, 2011
Subscribe to:
Post Comments (Atom)
Posts
0 comments:
Post a Comment